حلا سهل و سريع و ينفع في الحر
و ممكن كتير يعرفه ، بس قولت أفكركم بيه
كاسات الچيلي بالكاسترد
المقادير
٤ أكواب حليب
٤ معالق كبار بودرة الكاسترد
معلقة دقيق ( بتخلي الكاسترد ناعم و طري )
سكر للتحلية
علبة جيلي فرولة أو اي نوع تحبيه
الطريقة
نحط الحليب في حلة و نقلب فيه بودرة الكاسترد و الدقيق و السكر و نقلب كل دا على البارد ، و نرفعه على النار و نقلب لحد ما القوام يتقل و يبدأ يغلي ، نطفي النار و نستنى يهدى شوية و نصبه في كاسات التقديم لحد النص بس و ندخله التلاجة ساعة لحد ما يبرد و يتماسك
الطبقة التانية الچيلي : هنحط كيس الچيلي في كوب ميه مغليه و ندوبه و بعدين ننزل بكوب ميه ساقعة ، نحط الچيلي على الكاسترد و ندخله التلاجة لحد ما يتماسك ممكن تزينيه بقطعة فاكهه لو متوفر ، و بس كدا
وبالهنا
ملحوظة صغنونة : ممكن تبدأي تعمليه قبل ما تحضري الغدا مش هياخد منك وقت ، على بالليل هيكون ساقع و جميل
ليست هناك تعليقات:
إرسال تعليق