طاجن المكرونه باللحمه المفرومه 

المقادير 

كيس مكرونه قلم
ربع كيلو لحمه مفرومه
بصله كبيره
قرن فلفل حامي
نص كيلو طماطم معصوره ومتصفيه
ملح وفلفل
معلقه كبيره صلصه
رشه سكر
رشه زعتر
زيت
ربع معلقه قرفه
الطريقه 
الاول هنعصج اللحمه عادي جدا هنفرم البصله ونشوحها وبعدين نضيف معلقه كبيره زيت وتنزل باللحمه ونفضل نشوح فيها لغايه ماتستوي بعدين نضيف ملح وفلفل ورشه بهارات ورشه قرفه بسيطه وبعدين نضيف الفلفل الحراق بيدي طعم تحفه
بعدين نضرب الطماطم في الخلاط ونصفيها
بعدين في حله علي النار نحط شويه زيت يسخن وبعدين ننزل بالطماطم ونحط رشه سكر وبعدين نحط ملح وفلفل ورشه بهارات ورشه زعتر ومعلقه صلصه كبيره
يادوب تغلي بس وبعدين نطفي عليها
نجيب بقي طاجن وندهنه زيت ونحط اول حاجه اللحمه ونضغط عليها بالمعلقه ونساويها كويس بعدين حطي المكرونه زي ماهي من غير سلق
بعدين ضيفي الطماطم وتكون سخنه بعدين كملي بمايه مغليه يادوب تغطي المكرونه وغطي الصينيه أو الطاجن بورق فويل
ودخليها فرن سخن جدا علي درجه حراره عاليه لمده نص ساعه وبعدين خرجيها سيبيها تهدي حبه وبعدين اقلبيها وبالف هنا وشفا يلا جربوها راءعه وبتشبع جدا
وممكن تضاعفوا الكميه واعملوا صينيه كبيره او كذا طاجن