اللحمه المسلوقه اللي العيد مش بيخلي منها ابدا مع تنفع للفته والرز البسمتي
والخضار وصنية البطاطس وكل كل حاجه ..
حله تسخن كويس ونحط فيها معلقة سمنه تسيح وننزل باللحمه واللحمه مش
بتتغسل نجيبها من حد مضمون ولو مش مقتنعين يبقي شطفه واحده سريعه
وتتنشف المهم هنشوحها تاخد لون من الجنبين وننزل معاها بحبهان صحيح وبصله وجزر وفلفل اسود حصي ونشوح البصل والجزر عشان ياخدو علامات من التشويح وده بيضيف طعم رائع للشوربه وهنضيف ورق لوري ومايه تغطيها ونسيبها لحد ما تغلي ونشيل كل الريم عشان تكون صافيه ولونها فاتح وبعدين نغطي عليها
تستوي ولما تكمل سوا نضيف الملح وفلفل اسود بسيط ورشة جوزة الطيب للي
يحب ...
الطريقه التانيه ان ننزلها في مايه مغليه ودي صح بردو بس انا بفضل اللي بتتشوح
دي والف هنا عليكم
ليست هناك تعليقات:
إرسال تعليق