الممبار اللي يتاكل مسلوق والله من حلاوته وطعامته .
هنشتري الممبار متنظف وهنغسله كويس جدا بمياه فقط وبعدين ننقعه في مايه ومكعبات تلج وسكر وملح بكميات متساويه وليمونتين عصير ونسيب القشر في المايه ساعه وبعدين نغسله كويس ويتصفى ونحضر الحشو بيتعمل بطريقتين .. ني في ني او متسبك وهقول الاتنين الني في ني خضره شبت وكسبره وبقدونس مقطع صغير + بصله مفرومه عليها
ملح وفلفل وكمون وكسبره ناشفه و ندعكها كويس + ارز مصري مغسول + عصير طماطم ومعلقتين صلصه + ممكن اضافة توم مفروم لو تحبو + معلقتين زيت ومكعب مرقه + توابل لحمه ونظبط الملح والفلفل وكبابه صيني وهندعك كل ده مع بعض كويس جدا ونبدأ نحشي وننزله في مايه بتغلي فيها ورق لوري وقرفه عيدان وقرنفل وحبهان وبصل وفص توم بالقشر وطماطم وكرفس ونسيبه يستوي كويس ونطلعه يبرد ويتحمر في زيت فيه معلقة سمنه بلدي صغيره المتسبك الفرق بس في الطماطم .. بنحط معلقتين زيت وننزل فيها ببصله مفرومه تاخد لون دهبي وننزل بالصلصه وبعدين عصير الطماطم تتسبك لحد مالطماطم تفصل عن الماده الدهنيه ونكمل باقي الخطوات .. اتمني تعجبكم وتدعولي دعوة
حلوه
ليست هناك تعليقات:
إرسال تعليق