بيتزا سهله بملعقتين
بمعلقتين بس ✌️هتعملي اسهل واسرع بيتزا 🍕 عجينتها هشة وطريه بمقادير مظبوطه
#بيتزا_المعلقتين
كيلو دقيق
2 م ك خميرة
2 م ك سكر
2 م ك لبن بودر
2 م ك زيت
2 م ك خل
2 م ك زبادي
رشه ملح - ماء دافيء
حطي المقادير كلها علي بعض واعجنيهم بحوالي كوبايتين مايه دافيه او علي حسب مالعجينه تاخد معاكي وتلم وتبقي طرية
حطي العجينه في بوله فيها مسحه زيت وسيبيها تتخمر لمده ساعه
كيلو الدقيق هيعملك حوالي ٤ بيتزا حجم وسط او ٢ كبار حسب ماتحبي
افردي العجينه بايدك في الصينيه وسيبها تتخمر شوية وبعدين خرميها بالشوكه وحطي طبقه من الصلصه وعليها شوية موتزريلا وعليهم الحشو اللي تحبيه والجبن ودخليها الفرن علي اعلى درجة حراره تاخد سواها
#الصلصة_السريعة
طماطم - بصل
ثوم - زيت
ملح - فلفل
رشة سكر
زعتر - بابريكا
بصل بودر - ثوم بودر
اضربي في الخلاط المقادير كلها وفي حلة علي النار فيها شوية زيت انزلي بخليط عصير الطماطم وسيبيها تتسبك وتاخد سواها وتبرد كمان قبل ماتحطيها علي البيتزا
للحشو
لحمة مفرومة
بسطرمة
تونة - سلامي
فلفل الوان
زيتون شرائح
موتزريلا
ليست هناك تعليقات:
إرسال تعليق